Muwaadin Soomaaliyeed oo lagu dilay dalka Koonfurka Afrika

Wararka naga soo gaaraya dalka Koonfur Afrika ayaa waxa ay sheegayaan in Koox Madow Burcad Koonfur Afrikaan ah ay dileen Muwaadin Soomaliyeed oo ka mid ahaa dadka ku Ganacsada dalkaas.

Kooxda ayaa muwaadinkaan Soomaaliyeed oo lagu Magacaabi jiray Fu’aad markii ay dileen waxaa la sheegay in ay ku rideen Wabi si aan meydkiisa loo arag.

Qaar ka mid ah Soomaalida ku nool dalkaasi ya bilaabay raadinta meydkiisa iyaga oo ugu dambeyn ku guuleystay In ay helaan.

Kooxdii burcada aheyd ee ka dambeeyay dilka Muwaadinka Soomaaliyeed ayaa Goobta ka baxsaday,mana jirto cid isku howshay in la helo ama lasoo qabto burcadaas.

Bilihii u dambeeyay ayaa dalka Koonfur Afrika waxaa lagu dilay muwaadiniin Soomaaliyeed oo dhowr ah,waxaana la sheegay in todobaadyadii u dambeysay ay sii kordheyn dilalka,iyada oo Madaxda dowladda Koonfur Afrika aysan waxba ka qaban.