Muwaadin Soomaaliyeed oo lagu dhex dilay Goobtiisa Ganacsi dalka Koonfur Afrika

Kooxo hubeysan oo Burcad Koonfur Afrikaan ah ayaa xalay Magaalada Cape Town ee dalkaas ku dilay Muwaadin Soomaaliyeed oo ka mid ahaa Ganacsatada Soomaaliyeed ee ku nool dalkaas.

Muwaadinkaan oo loogu tegay goobtiisa Ganacsi ayaa waxaa lagu Magacaabi jiray Mahad Salaad,kaas oo durba Goobta ku geeriyooday.

Burcadii Muwaadinkaan Soomaaliyeed dilkiisa ka dambeysay ayaa Goobta ka baxsatay,waxana meydka Marxuumka goobta ka qaaday Soomalida ku Ganacsada dalkaas.

Majirto ilaa iyo hadda cid sheegtay msuuliyada dilkaas iyo sababta loo dilay balse waxa uu qeyb ka yahay dilalka mar waliba Soomaalida loogu geysto Gudaha dalka Koonfur Afrika kaas oo ay walaac ka muujiyeen.