Muwaadin Soomaali ah oo lagu toogtay dalka Canada

Muwaadinkan Soomaaliyeed waxa magaciisa lagu sheegay Mustafe Faarax Mataan oo 28 jir ah,waxaana lagu soo waramayaa in lagu dilay gobolka Alberta ee dalkaasi Canada.

Warbaahinta gudaha Gobolka Alberta, ayaa warisay  in qof aan ilaa hada la xaqiijin uu rasaas kaga soo riday Albaabka guriga uu degenaa sidaasina uu qofkii dilka gaystay ku baxsaday.

.Booliiska dalkaasi ayaa waxay sheegeen in dilkan uu yahay mid ay weli ka shakisan yihiin oo ay baaritaanka sii wadayaan.

Sidoo kale waxaa Gobolka Alberta, ka socda baaritaano xoogan oo ciidanka ay sameynayaan, waxaana u jeedkiisa lagu sheegay in lagu baadi goobayo dadka ka dambeeyay weerarka.

Wararka ayaa sidoo kale waxa ay tibaaxayan in ilaa iyo hada aaney jirin cid sheegatay masuuliyada weerarkaasi lagu dilay Muwadinka soomaaliyeed ee lagu magacaabo Mustafe Faarax Mataan oo 28 jir ah.