Muwaadin Somali oo la qorsheynayo in laga soo masaafuriyo dalka Britain

C/qaadir Axmed Saciid oo 32 jir ah ayaa khatar ugu jira in laga masaafuriyo dalkaasi, kadib, markii lagu helay fal-dembiyeedyo Kufsi ah oo uu ku kacay xilliyo kala duan.

3 Garsoore ayaa la sheegay inay u codeeyeen go’aanka lagu masaafurinayo Eedeysanaha oo ay horey Talo ahaan u soo jeedisay Haweeneyda Xoghayaha Arrimaha Gudaha ee dalka Britain, Theresa May.

Eedeysane C/qaadir Axmed Saciid oo dalka Britain ku noolaa ku-dhawaad 20-sanno, waxaa sannadkii 2009-kii lagu xukumay Xabsi 5 sanno, kadib, markii lagu helay inuu labo jeer kufsaday haween.

Markii uu xukunka dhamaystay waxay Xoghayaha Arrimaha Gudaha ee dalka Britain, Theresa May amartay in la masaafuriyo, balse waxa uu galangal u galay sidii loo joojin lahaa go’aanka lagu masaafurinayo, isagoo qaaday dagaal dhinaca Sharciga iyo khatarta uu la kulmi karo haddii lagu celiyo Somalia.