Dowladda Singapore waxay soo cusbooneysiiyey Amar ay kaga mamnuucday inuu dalkooda inuu soo galo Mufti Ismaaciil Menek oo u dhashay dalka Zimbabwe, waxayna sheegtay inay Aragtidiisa abuurayso Isku-dhac Diimeed, waa sida ay hadalka u dhigeen.
Sheekh Ismaaciil Menek waxa uu in ka badan Labo milyan oo Taageerayaal ah ku leeyahay Bartiisa Twitter-ka.
Hadal-qoraal oo ay Wasaaradda Arrimaha Gudaha ee Singapore soo saartay ayey ku sheegtay in Go’aanka lagu diiday Codsiga Mufti Menek, kadib, xog ku aadan waxa loogu yeeray Kala-qeybintiisa Barashadda Diinta.
Wasaaradda waxay kaloo ku eedeysay Mufti Ismaaciil Menek inuu sheegay inaan Muslimiinta loo oggoleyn inay salaamaan dadka kale ee haysta Diimaha kale munaasabadah ay ugu dabaal degaan Diimahooda.
Dowladda Singapore waxay horey dalkeeda uga mamnuucday Sheekh Haslin Bin Baharim oo u dhashay dalka Malaysia, kaasi oo qorsheynayey inuu Casharo Diin ka bixiyo dalkaasi dabayaaqadda bishan November.
Waxay ku eedeeyeen Baharim waxa ay ugu yeereen Aragtidiisa uu ku diidan yahay Xiriirka Muslimiinta iyo dadka aan Muslinka ahayn.
Sida laga soo xigtay Hay’adda abaabushay Socdaalka Sheekh Ismaaciil Menek ee Islamic Cruise waxa uu jadwalku ahaa inuu Sheekhu Silsilado Muxaadaro ah jeediyo shanra maalmood ee uu joogi lahaa Singapore.
Muxaadarooyinka Diiniga ee uu jeedin lahaa Muftiga u dhsahay dalka Zimbabwe waxaa ka mid noqon lahayd mid uu Cinwaankeeda ahaa: “Tubta lagu gaari karo Janadda.
Si kastaba ha ahaatee, Dowladda Singapore waxaa la sheegaa inay caburin ku hayso Diimaha iyo Xorriyadda Hadalka, iyadoo ay dalkaasi Madaxweyne ka tahay Haweeney Muslimad ah oo lagu magacaabo Xaliina Yacquub.
Waxay horey u ahaan jirtey Afhayeenka Barlamaankii 9-aad ee dalka Singapore, muddadii u dhexeysay bishii January ee sannadkii 2013 ilaa bishii August ee sannadkan 2017-ka..
