Maxkamad ku taalla Britain oo xukun ku riday Muwaadin Somali oo si xun u dooxay haweeney.

Maxkamadda The Coventry Crown Court ee dalka Britain waxay Xabsi 15 sanno ah ku riday Nin Somali ah oo lagu magacaabo  Mahad Aadan oo 33-jir ah.

Eedeysanaha ayaa la sheegay inuu bishii September 16-dii ee sannadkii 2013-kii Tooreey ku dhaawacay Haweeney Dhibane ah oo aan magaceeda la shaacinin.

Haweeneydaasi oo haatan 23 jir ayaa ka soo hor muuqatay Maxkamadda, iyadoo ka hadashay qaabkii uu u dhaawacay Ninkaasi, waxayna xustay inuusan jirin wax Xiriir Jacayl ama arrimo kale oo kala dhexeeyey Eedeysanaha.

Dhibanaha waxa uu Tooreyda kaga dhaawacay Wejiga, Luqunta, Laabta, Gacmaha, waxayna haatan la xanuunsan tahay  dhaawac ka gaaray Sambabadda.

Dhinaca kale, Eedeysanaha ayaa la sheegay markii uu ddhaawacaasi geystay inuu u dhoofo dalka Ethiopia, halkaasi oo uu ku sugnaa tan iyo sannadkii hore, ka hor inta uusan dib ugu soo laabanin Britain.

Boliska ayaa la sheegay inay Eedeysanaha qabteen, markii uu ka soo degay Garoonka Diyaaradaha ee Heathrow Airport ee magaalladda London.

©Radio Dalsan