Dalka yar ee Eswatini oo horey loo oran jirey Swaziland ayaa waxaa ka taagan xiisad, iyadoo la sheegay inuu Boqorkii dalkaasi u baxsaday dalka Koonfur Afrika.
Ku-simaha Ra’isul-wasaaraha dalka Eswatini, Themba Masuku waxa uu beeniyey Warar ay Warbaahintu ku sheegeen inuu baxsaday Boqor Masati-hii 3-aad.
Hadal-qoraal oo uu Ku-simaha RW soo saaray waxa uu ku xusay inuusan Boqorka ka cararin Dibadbaxyo looga soo horjeeday Taliska Boqortooyada.
Waxa uu dadweynaha ugu baaqay inay is-dejiyaan iyo inay muujiyaan Is-xakamayn.
Boqorka dalkaasi, Masati-hii 3-aad oo 53-jir ah waxaa la soo weriyey inuu xalay u gudbay Xuduudka dalka Koonfur Afrika, kadib, markii ay Dibadbaxayaal aan ku faraxsanayn Xukunkiisa iyo Nidaamka Boqortooyada ay isugu banbaxeen Waddooyinka, iyagoo codsanayey Isbedelo
