Masar oo bishiiba Shan Kun oo neef oo lo’ ah loo dhoofinayo

Dowladaha Somalia iyo Masar ayaa kala saxiixday Borotokool lagu xoojinayo xiriirka labada dal iyo sidii dalka Masar bil kasta loogu dhoofin lahaa shan kun oo neef oo lo’ ah.

War Saxaafadeed ka soo baxay Wasiirka beeraha  ee dalka Masar, Saalax Hilaal ayaa lagu sheegay inay isaga iyo dhigiisa Dowladda Federalka Somalia isku af garteen inay Dowladda Masar saddex Maxjaar oo lagu xannaaneeyo xoolaha loo dhoofinayo Masar ka dhisaan magaallooyinka Muqdisho, Bosaaso iyo Berbera.

Waxa kaloo uu Wasiirku sheegay inay soo diri doonaan Koox Dhakhaatiir ah oo gacan ka geysata baaritaannadda caafimaadka iyo tayada Lo’da loo dhoofinayo dalka Masar.

Wasiirku, waxa uu sheegay in Heshiiskaasi ay si rasmi ah ula saxiixdeen Dowladda Federalka Somalia, balse ma uusan sheegin Heshiiskaasi waqtiga uu ku ekaanayo.

Horey waxay Labada Dowladood u kala saxiixdeen Heshiiska Iskaashiga dhinaca Kalluumeysiga, iyadoo Kalluumeysatada Masar loo fasaxay inay ka jillaaban karaan Xeebaha Somalia.

Dhinaca kale, ma kala cadda fal-celinta ay Maamulladda Somaliland iyo Puntland ka keeni doonaan arrinkaasi, maadaama ay isku arkaan in loo baahan yahay in iyaga si toos ah loogala soo xiriiro, inta loo soo mari lahaa Dowladda Federalka Somalia oo uu Caalamka aqoonsan yahay. masar 2 MASAR IYO SOMALIA 1

 

About Dalsan Editor

View all posts by Dalsan Editor