General Thomas Waldhauser oo ah Taliyaha Ciiddanka Maraykanka ka jooga Qaradda Afrika ee AFRICOM, ayaa hadalkaasi ku sheegay Wareysi Khadka Telefoonka ku siiyey Weriyayaasha, wuxuuna xusay inay Tobaneeyo Askar dheeraad u direen Somalia.
Waxa uu intaasi ku daray inaysan ku degdegin inay Somalia u soo diran Ciiddanka Lugta (Infantry Troops), balse ay diir-bideen inay u soo diraan Ciiddamo dhinaca Loojistikadda.
Waxa uu intaasi ku daray in Dad-gureeyntooda ahayd mid waqti dheer socotay, looguna talagalay inay gacan ka geystaan sidii Ciiddanka DFS loogu tababari lahaa inay awood dheeraad ah u yeeshaan La-dagaalanka Alshabaab, waa sida uu hadalka u dhigay Gen Waldhauser.
Waxa uu beeniyey in Maamulka Madaxweyne Donald Trump lumiyeen Awoodda wax duqeynta eel ala beegsanayo Bar-tilmaameedyadda Al-shabaab
Waxa uu tilmaamay inay Taliska Maraykanka la siiyey Awood dheeraad oo kooban si ay u geystaan Duqeymahaasi, si ay u taageeraan Hawlgalka AMISOM iyo Ciiddanka Somalia ee qeybt ka ah Hawlgalkaasi, balse aan awoodi karin inay keligooda qaadaan Weeraro.
Taliyaha Ciiddanka Maraykanka ka jooga Qaradda Afrika ee AFRICOM, General Thomas Waldhauser ayaa sheegay inay weerar kasta qadayaan kala xiriirayaan DFS, loona taageero AMISOM iyo in la yareeyo Khasaarha dadka rayidka ka soo gaarayo Duqeymahaasi, waa sida uu hadalka u dhigay.
Dhinaca kale, Taliyaha Guud ee Hawlgalka AMISOM, General Osman Noor Subagle ayaa isagana sheegay inaan la kala aqoonsan karin Dagaalamayasha Al-shabaab iyo dadka rayidka ee aan hubeysanayn, waa sida uu hadalka u dhigay.
Waxa uu intaasi ku daray in AMISOM ku adag tahay sidii ay u xidid siibi lahaayeen Alshabaab, waa sida uu hadalka u dhigay, wuxuuna taasi ku micneeyey inay Alshabaab yihiin dad Somali ah, isl markaana ku dhex milan dadweynaha.
General Osman Noor Subagle waxa uu tilmaamay in loo baahn yahay Sirdoon la xaqiijiyey, si loo aqoonsado, loona beegsado xubnaha Dgaaalmayaasha Alshabab, waa sida uu hadalka u dhigay.
©Radio Dalsan
