Madaxweyne Rajab Dayib Erdogan ayaa Waaberigii hore ee saakayto oo Sabti ah la hadlay Taageerayaashiisa oo isugu yimid Garoonka ugu weyn magaalladda Istanbuul, saacado kadib, markii la fashiliyey Isku-day ay Koox Saraakiil Ciiddan ah ku afgembin lahaayeen Dowladiisa.
Madaxweynaha waxa uu sheegay in Kooxihii ka dambeeyey Afgembigaasi fashilmay yihiin Taageerayaasha Sheekh Fatxullaah Gulen oo isagu deggan dalka Maraykanka, wuxuuna xusay in kuwii ka dambeeyey Afgembigaasi mudan doonaan ciqaab adag.
Erdogan waxa uu tilmamay in la duqeeyey Hotelkii uu ka deganaa magaalladda Xeebta leh ee Marmaris,wax yar kadib, markii uu ka soo baxay Hotelka.
Waxa uu ku nuunuuxsaday inuu la joogi doono dadkiisa. Isla markaana aanu meel kale u soconin, wuxuuna dadka Turkiga ugu baaqay inay isugu soo baxaan Dariiqyadda, una taageeraan Dimuqraadiyadda Turkiga.
