Madaxweyne Obama oo dib u helay Twitterkiisa rasmiga

Madaxweynaha dalka Maraykanka, Barack Obama ayaa sheegay inuu dib u hantay Cinwaankii rasmiga ee Twitterka, oo laga dhacay muddo hataan laga joogo 6 sanno.

Madaxweyne Obama waxa uu haatan si rasmi ah u isticmaala cinwaanka @POTUS oo laga soo gaabiyey President of the United States.

Hadal ka soo baxay Aqalka Cad ayaa lagu sheegay inuu cinwaankaasi uu khaas u yahay Madaxweyne Obama.

Madaxweyne Obama waxa haatan dib loogu soo celiyey cinwaankiisa rasmiga oo ay burcadda jabsata Internetyadda ka dhaceen,

Inkastoo loo soo badbaadiyey Cinwaankiisii hore ee Twitterka, waxaa weli ka maqan cinwaankiisa Blackberry, oo qof aan la aqoonin uu weli isticmaalayo.

Saraakiisha Aqalka Cad ee looga arrimiyo Maraykanka waxay sannado badan isticmaali jireen Twitter, si loogala xiriiro Siyaasadda Aqalka Cad iyo Munaasbaadaha shaqsiyadeed.

Madaxweyne Obama oo shalay dib ugu soo laabtay Twitterkiisa cusub ayaa waxa uu soo dhigay qoraalo kooban, oo ay ka mid ahaayeen:- “Hello, Twitter! It’s Barack. Really! Six years in, they’re finally giving me my own account.”

Obama waxa uu isticmaalaa iPhone u gaar ah Aqalka Cad marka uu dirayo qoraal Twitter ah, ma isticmaalo Mobaylkiisa Blackberry-ga ah.

Waxa uu bilowgii sannadkan sheegay inuusan jeclayn inuu isticmaalo Mobaylada duubista leh.

Madaxweyne Obama waxa  uu inta badan Twitterka ka gala cinwaanka @WhiteHouse, iyadoo uu leeyahay 6.2 million oo Taageerayaal “Followers” ah.

Waxaa kaloo uu isticmaalaa Twitter uu samaystay markii uu ku jiray Ololaha Doorashadda Madaxtinimadda ee @BarackObama, waxaana  cinwaankaasi ku darsaday dad ay tiradoodu dhan tahay 59 million oo qof.