Kulan ay Maanta magaalada Buuhoodle ay ku yeesheen Xubnaha Golaha Wakiilada Maamulka Khaatuma ayaa waxa ay xilkii uga qaadeen madaxweyne ku xigeenkii Maamulkaas.
Kulanka oo Maanta ahaa mid xasaasi ah ayaa waxaa lahor geeyay mooshin ay horay madaxweyne ku xigeenka Khaatuma Cabdalla Maxamuud Heybe uga soo gudbiyeen tiro xildhibaano ah.
Maxamuud Sheekh Cumar oo ah gudoomiyaha Baarlamanka Khaatuma ayaa sheegay in Cod aqlabiyad ah looga qaaday Xilkii Madaxweyne ku xigeenka ayna ansixiyeen 18 Mudane.
Xiriir ayaan la sameynay Madaxweyne ku xigeenka si aan wax uga weeydiino xilka qaadista lagu sameeyay balse kama uusan jawaabin taleefoonadeena.