Madaxweyne Farmaajo oo Maanta ku Wajahan Itoobiya

Madaxweynaha jamhuuriyda federaalka Soomaaliya Maxamed Cabdullaahi Maxamed Farmaajo ayaa lagu wadaa inuu maanta u safro magaalada Addis Ababa ee dalka Itoobiya, kadib casuumaad uu ka helay ra’isul wasaaraha dalkaas.

Wafdiga madaxweynaha ayaa la filayaa gelinka danbe ee maanta inay ka duulaan garoonka diyaaradaha Muqdisho, islamarkaana ay u dhoofaan dalka Itoobiya oo lagu casuumay madaxweynaha dalka.

Waa safarkii ugu horeeyey uu madaxweyne Farmaajo ku tago dalka Itoobiya tan iyo markii loo doortay madaxweynaha Soomaaliya Sideedii Feboury ee sanadkan, waana safarkii lixaad ee uu dalka uga boxo madaxweyne Farmaajo.