Madaxweynaha Turkiga ayaa ballan-qadaay in laga aar-goosan doono Go’aanka ay Dowladda Awstariya ku xirayso Masaajid ku yaalla dalkaasi.
Madaxweyne Rajab Dayib Erdogan oo ka hadlay magaalladda Istanbuul waxa uu cambaareeyey go’aaanka lagu xiray Masaajidda ku yaalla dalkaasi, iyo qorshaha lagu soo masaafurinayo Iimaamyadda ay Turkiga maalgeliyaan.
Waxa uu carrabka ku dhuftay in laga aar-goosan doono Falka Islaam-nacaybka ee ay Dowladda Awstariya ku dhaqaaqday, wuxuuna ka digay dagaal u dhexeeya Bisha iyo calaamadda Is-tallowga oo uu ugala jeedo Muslimka iyo Kirishtanaka.
Hadalka Madaxweyne Erdogan ayaa soo baxay, hal maalin kadib, markii ay Dowladda Awstariya ku dhawaaqday inay masaafurin doonto ilaa 60 Iimaam iyo Qoysaskooda iyo in la xiri doono 7 Masjid, taasi oo qeyb ka ah Hawlgalka ka dhanka ah waxa ay ugu yeereen Islaamka la siyaasadeeyey.
Waddanka Austria waxaa ku nool 600,000 oo Muslimiin, kuwaasi oo badankooda asal ahaan ka soo jeeda dalka Turkiga.