Madaxweynaha oo sheegay inay Somalia u baahan tahay Maalgashi Caalami ah.

 

Madaxweynaha Dowladda Federalka Somalia, Xasan Sheekh Maxamuud waxa uu maanta Khudbad  ka jeediyey Shirweynaha 3-aad ee Hoggaamiyayaasha Afrika iyo kuwa dalka Hindiya oo ka furmay magaalladda New Delhi.

Madaxweynaha waxa uu tilmaamay inay Somalia ka furan Fursado Maalgashi, isla markaana ay Somalia ka soo gudubtay Marxalladihii Colaadaha.

Waxa uu sheegay inay Dowladda Federalka gacmo furan ku soo dhaweynayaan Dowladaha, Ganacsatada iyo Shirkadada doonayaan ina ka qeyb galaan Maalgashiga Somalia ee dhinacyadda Beeraha, Kalluumeysiga, Wershadaha iyo Xoolaha.

Shirka Hoggaamiyayaasha Afrika iyo Madaxda Dowladda Hindiya  waxaa kaloo ka hadlay Hoggaamiyayaasha Afrikaanka ee lagu casuumay, kuwaasi oo sheegay inay soo dhaweynayaan Xiriirka Afrika iyo Hindiya.

Dhinaca kale, Dowladda Hindiya ayaa doonayso inay Suuqayadda Afrika kula tartamaan Shiinaha oo Maalgashi iyo Ganacsi fiican ku haysta dalalka Afrika.

NEW1NEW 3NEW 4NEW2

© Radio Dalsan