Madaxda Dowladda iyo Maamul Goboleedyada oo Saxiixay Qorshaha Sugida Amniga Qaranka

Waxaa goor dhow la soo gabagabeeyey shir gaar ah oo magaalada Muqdisho uga socday madaxda federaalka iyo kuwa maamul goboleedyada, kaasi oo looga hadlay arrimo muhiim ah.

Madaxda ayaa marka hore isla meel dhigay arrimaha sugida amniga oo ay si wadajir u saxiixieen qorshaha qaran ee sugida amniga dalka, waxaana isla meel dhigeen in si deg deg ah loo furo wadooyinka ay go’doomiyeen Alshabaab, si looga saaro go’doonka deegaanada qaar ee dalka.

Kulankan oo ay goob joog ahaayeen madaxda dowlad goboleedyada waxaa kaloo si aad ah looga hadlay shirweynaha ka furmaya London oo ay madaxdu isla garteen in qorshe mideysan soomaaliya ay uga qeyb gasho kulankaas, si natiijada ka imaato ay u noqoto mid mira dhal ah.

Gabgabada shirka waxaa ay madaxdu ka soo saareen war murtiyeed oo uu qodobada ka soo baxay warbaahinta u aqriyey agaasimaha Warfaafinta Madaxtooyadda.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media