Kooxaha U Ololeeya Xuquqda Aadanaha ee dalka Eritrea ayaa soo bandhigay Qoraal ay ku sheegeen inuu ka soo baxay Waaxda Arrimaha Diinta ee Dowladda Eritrea.
Qoraalka waxay Dowladda Eritrea kaaga codsatay Ragga u dhashay dalkaasi inay guursadaan ugu yaraan labo xaas, iyadoo arrintaasi ugu wacan tahay iyadoo ay Ragga ku yar yihiin dalkaasi.
Rag badan ayaa ku le’day Dagaalkii ay Eritrea la galeen Milliteriga Ethiopia.
Qoraalka ka soo baxay Dowladda Eritrea oo ku qornaa Luqadda Carabiga ayaa lagu sheegay inay Dowladda dhiiri-gelinayso sida ay Diintu na fartay in la guursado Xaasas badan (The Polygamous Marriage).
Qoraalka ayaa lagu sheegay in nin kasta oo Eritrean ah waajib ku tahay inuu guursado ugu yaraan labo haween, iyadoo ninkii diida arrintaasi muteysan doono Xabsi Daa’im oo ay wehliso Shaqo Culus (Life Imprisonment with hard labour).
Sidoo kale, Haweeneydii ka horjoogsata Ninkeeda inuu naag kale guursado inay muteysan doonto Xabsi Daa’im.
Qoraalkan oo aysan Dowladda Eritrea si rasmi ahaan u shaacinin, ayey Kooxaha u dooda Xuquuqda Aadanaha ee Eritrea sheegeen inuu Sharcigan soo baxay iyadoo ay tiradda ragga Eritreanka yaraatay sababo la xiriira Dagaalkii lagu riiqmay ee ay la galeen Milliteriga Ethiopia.
Dagaalkaasi waxa uu bilowday bishii May ee sannadkii 1998-dii, wuxuuna joogsaday bishii June ee sannadkii 2000, waxaana dal kasta kaga geeriyootay ciiddan lagu qiyaasay 150,000 oo qof.
Tiradda Guud ee dadka Reer Eritrea waxay dhan tahay 4 million oo qof, halka Tiradda Ethiopianka haatan cagacagaynayso 84 million oo ruux.
Waxaa Turjumay: Axmed Xaaji Ugaaska.
Xigasho: www.sde.co.ke
©Radio Dalsan
