(LA-YAAB & SAWIRO): Maxbuus iyo Askariyad jeclaatay oo baxsad ahaa oo la soo qabtay.

Boliska Talyaaniga ayaa sheegay inay gacanta ku dhigeen Maxbuus u dhashay dalka Syria oo baxsad ahaa, kaasi oo ay la socotay Askariyad u dhalatay Switzerland oo jacayl daran u qaaday, kana caawisay sidii uu uga soo baxsan lahaa Xabsigii uu ku xirnaa.

Afhayeen u hadlay Boliska magaalladda Milan ayaa sheegay inay Saraakiisha ku raad-joogeen Maxbuuska oo lagu magacaabo Xasan Kiiko oo 27-jir ah iyo Askariyad lagu magacaabo Angela Magdici oo 32-jir ah.

Lammaanaha oo tan iyo bishii February ee sannadkan baxsad ah ayaa lagu qabtay Dhismo ku yaalla Degmadda Romani di Lombardia oo ku taalla Gobalka Berhamo ee Waqooyiga Talyaaniga.

Waxaa la sheegay inay muddo dhowr isbuuc ku sugnaayeen Degmadaasi, iyadoo uu Maxbuuska qorsheynayey inuu ka ambabaxo Talyaaniga, kuna laabto Bariga Dhexe.

Lammaanaha waxay sugayaan in loo masaafuriyo, loona gacan geliyo Dowladda Switzerland

 Si kastaba ha ahaatee, Bishii Feberaayo 11-dii ee sannadkan ayaan ka qornay Warbixin La-yaab leh Lammaanaha, ee Halkan hoose ka daallaco Lammaanahan la qabtay Jacaylkii ay isla soo mareen iyo qaabkii Maxbuuska looga soo bixiyey Xabsigii uu ku xirnaa.

(LA YAABKA & SAWIRO): Haweeney Ilaalo ka ahayd Xabsi oo jeclaatay Maxbuus, kadibna la baxsatay.

SWITZERLAND SYRIA

Waxaa Turjumay: Ahmed Hagi Ugaaska

©Radio Dalsan