La-haystayaal Malaysia oo afduub loogu haystay Filibiin oo  la sii daayey.

Ciiddanka dalka Filibiin ayaa sheegay inay soo badbaadiyeen 3-qof oo u dhashay Malaysia, kuwaasi oo 8-bilood ka hor laga soo afduubtay Markab marayey xeebaha dalkaasi.

Ciiddanka waxay dagaal la galeen Maleeshiyadda Kooxda Abu Sayaaf ee Jesiiradda Jolo ee Koonfurta dalkaasi, waxayna xoog ku soo furteen oo La-haystayaasha la soo badbaadiyey.

Kooxda Abu Sayaaf waxay inta badan La-haystayaasha ka qaataan Lacago madax-furasho ah, waxayna haatan afduub u haystaan Muwaadiniin u kala dhashay dalalka Holland, Indonesia, Filibiin iyo Japan.

©Radio Dalsan