Komaandooska Britain iyo kuwa Urdun oo la sheegay inay si qarsoodi u beegsanayaan Alshabaab.

Shabakadda Wararka ee  (Middle East Eye) ayaa soo ogaatay inay Ciiddanka Khaaska ee labadaasi dal si qarsoodi ugu hawlan yihiin Hawlgallo ay ka fuliyaan gudaha somalia oo ka dhan ah Maleeshiyooyinka kala taabacsan Alshabaab iyo Daacish.

Boqorka dalka Urdun, Cabdalla Bin Xuseen ayaa u sheegay Hoggaamiyayaasha Kongareeska Maraykanka inay Ciiddankiisa kala qeyb galayaan kuwa Britain dagaalladaasi.

“Waxaan leenahay Ciiddamo si degdeg ah loo daabuli karom kuwaasi oo garab taagan Milliteriga British iyo Kenya, isla markaana ay diyaar u yihiin inay ka gudbaan xuduudka Somalia oo ay gudaha u galaan Somalia” ayuu yiri Boqorka dalka Urdun oo intaasi ku daray inay Hawlgalkaas ku bilaabeen Alshabaab.

Boqorka dalka Urdun waxa uu bishii Janaayo 11-dii Kulamo la yeeshay Siyaasiyiin sarsare oo ka tirsan Guddiyadda Milliteriga iyo Xiriirka Dibedda ee Kongareeska Maraykanka.

Sidoo kale waxa uu Boqorka Urdun kulan sare la qaatay Xoghayayaasha Difaaca iyo Arrimaha Dibedda Maraykanka, Ashton Kartar iyo john Kerry.

Shabakadda Wararka ee (Middle East Eye) waxay qortay inay heleen Faahfaahinta Kulamadaasi, iyadoo uu Boqorka Urdun sheegay inay il gaar ha ku hayaan Alshabaab, wuxuuna ku sababeeyey inuusan jirin qof eegayo xaqiiqda arrintaasi, isla markaana aan lagu kala qeybsami karin qoddobkaasi, waa sida uu hadalka u yiri.

“Ciiddanka Khaaska ee British ee SAS waxay haatan ku lug leeyihiin Hawlgalladda Ciiddanka Gaarka ee Urdun” ayuu yiri Boqorka dalka Urdun, Cabdalla Bin Xuseen.

Waxa uu intaasi ku daray inay u baahan yihiin inay eegaan dhamaan goobaha kulul ee Khariidada Caalamka, wuxuuan hoosta ka xariiqay in loo baahan yahay in laga gudbo saamaynta ay leeyihiin Maleeshiyooyinka saldhigooda yahay gudaha Somalia ee kala taabacsan Daacish iyo Alqaacida, waa sida uu hadalka u yiri.

Dhinaca kale, Boqorka dalka Urdun waxa u uSiyaasiyiinta Maraykanka u sheegay in Weerarkii Alshabaab ku qaadeen Jaamacadda Garissa kadib inuu Madaxweynaha Kneya, Uhuru Kenyatta ilmo ka soo hooreen indhahiisa sababo la xiriiray xasuuqii in ka badan 100 Arday loogu geystay Jaamacadaasi iyo inaysan jirin cid ka fal-celisay.

Dhinaca kale, Boqorka dalka Urdun ma sheegin tiradda Ciiddanka Khaaska ee British iyo kuwa Urdun ee ka qeyb galayo Hawlgalka ay ka fulinayaan gudaha Somalia.

Ma aha markii ugu horreysay ee Ciiddanka Khaaska ee British ee SAS Troops la sheego inay Hawlgallo Milliteri ka fulinayaan Somalia.

Sannadkii 2012-kii,  Wargeyska Daily Star ayaa qoray ilaa 60 Komaandooska Britishka inay Ciiddanka Kenya kala shaqeynayaan si ay u beegsadaan Alshabaab.

US and British soldiers make acquaintances as they train Iraq's 72nd Brigade for a live-fire exercise in Basmaya base, southeast of the Iraqi capital, Baghdad, on January 27, 2016. The US-led coalition's efforts to train the Iraqi military began in December 2014. Since then, more than 18,000 Iraqi troops have completed courses like the one held at the base in Basmaya. / AFP / AHMAD AL-RUBAYE

A handout picture released by the Jordanian Royal Palace on March 21, 2016, shows Jordan's King Abdullah II (C), laying a wreath on a monument commemorating soldiers who lost their lives in the Karameh battle. The battle took place in Karameh on March 21, 1968 when the Jordanian army and Palestinian fighters fought against the Israeli army after it crossed Jordan's borders. / AFP / Jordanian Royal Palace / YOUSEF ALLAN

©Radio Dalsan

About Dalsan Editor

View all posts by Dalsan Editor