Faah faahino dheeraad ah ayaa ka soo baxaya hoobiyayaal xalay ku dhacay qeybo ka mid ah xaafada laba dhagax ee degmada Wartanabada.
Hoobiyaashaan oo aan la ogeyn halka laga soo tuuray ayaa ku dhacay Goob dukaan ah oo ku taala Xaafada laba dhagax,waxaana dadka deegaanka ay sheegeen in ay ku dhaawacmeen ilaa 5 ruux.
Ciidamo ka tirsan kuwa dowladda Soomaaliya ayaa intaasi kadib baadi goob u galay halka laga soo tuuray hoobiyayaashaas walow aysan ku guuleysan in ay ogaadaan.
Dhanka kale waxaan xiriir la sameynay Maamulka degmada Wartanabada si aan wax uga weeydiino khasaaraha guud ee ka dhashay balse nooma suurtagelin.
