Jamaacadda Garissa oo dib loo furayo, 9 bilood kadib Weerarkii Alshabaab.

Jamaacadda Garissa ee W/bari Kenya ayaa la sheegay in maanta dib loo furay, kadib, markii la xiray bishii April 2-dii ee sannadkii hore, xilligaasi oo ay Alshabaab weerareen Jamaacadaasi.

Weerarkaasi waxaa ku geeriyootay 147 qof, iyadoo 79 kalena ku dhaawacmeen.

Dib-u-furista Jaamacadda Garissa ayaa lagu sheegay farriimo loo kala diray Shaqaalaha iyo Ardayda oo ku adaan Kulan looga hadlayo dib-u-furida Jamaacadda.

Dhinaca kale, Dowladda Fraansiiska ayaa horey u sheegtay inay 109-Arday oo ka badbaaday Weerarkii Jaamacadda Garissa ka bixin doonaan Kharaj-sannadeedka Jamaacadda.

Danjiraha Faransiiska u jooga Kenya, Ambassador Rémi Maréchaux  ayaa bixin doonta Khartajkaasi si taageero loogu muujiyo Ardayda aan weli heelin wax Taageero Dhaqaale ah.

©Radio Dalsan