In ka badan kun Tahriibayaal oo laga soo badbaadiyey Xeebaha dalka Libya.

Kooxada Gargaarka ee MSF iyo SOS ayaa sheegay in haweeney ka mid ah Tahriibayaasha geeriyootay, wax yar kadib markii la soo badbaadiyey.

Ku-dhawaad 400 Tahriibayaal la socday dooni alwaax ah ayaa la badbaadiyey, halka kuwa kalena ay la socdeen doonyo waa weyn oo ay kaga soo shiraacdeen Xeebaha dalka Libya.

Labo Markab ayaa u gurmaday Tahriibayaasha, waana gurmadkii 2-aad ee lagu soo badbaadiyo Tahriibayaasha isbuucan.

Ku-dhawaad 22,000 Tahriibayaal badankooda ah Afrikaan ayaa sannadkan la soo badbaadiyey, iyadoo ku-dhawaad 520 kalena ku geeriyoodeen inta ay ku soo jireen Tahriibkaasi.

©Radio Dalsan