Abu Bakar Albaqdaadi ayaa la sheegay inuu ku sugan yahay magaalladda Sirta ee dalka Libya, kadib, markii uu si dirqi leh kaga baxsaday duqeyn ay Diyaaradaha Dagaalka Iraq kula beegsadeen gudaha dalka Iraq.
Wakaalladda Wararka Iran ee FARS ayaa sheegtay in Hoggaamiyaha Daacish lagu daaweeyey Turkiga, kadib, markii ay bishii October ee sannadkan dhaawacyo ka soo gaareen duqeytaasi.
Abu Bakar Albaqdaadi ayaa u sii gudbay dalka Libya, si uu uga badbaado duqeymaha xooggan ee lagu hayo Syria.
Wakaalladda waxay ka soo xigatay Ilo ku sugan Libya inay sheegeen inuu qof kasta Albaqdaadi ka baadi-goobayo Iraq iyo Syria, balse ay jirin dad rumeysan kara inuu haatan ku sugan yahay magaalladda Sirta ee Lubya.
© Radio Dalsan
