Hawlgalka Midowga Europe (EUTM Somalia), oo qalabayn doona Ciiddanka Dowladda iyo Isbitaalka Xoogga Dalka Somalia

Taliyaha Hawlgalka Midowga Europe ee Tababarka Ciiddanka Somalia (EUTM Somalia), Jeneral Antonio Maggi ayaa Suxufiyiinta ugu sheegay magaalladda Brissels ee dalka Belgium inay wax ka beddeleen qorshahooda, isla markaana ay haatan muhiimadda siin doonaan qaababka kale ee loo qalabayn karo Ciiddanka.

“Waxaan haatan sahminaynaa sida ugu macquulsan ee lagu taageerayo Ciiddanka Somalia iyadoo loo soo marsiinayo Qorshaha Tababarka iyo qalabaynta ee EU-da” ayuu yiri Jeneral Maggi.

Waxa uu intaasi ku daray inay Ciiddanka ay tababaraan siinayaan qalabka iyo adeegyadda muhiimka ee ay u baahan yihiin.

Dhinaca kale, Hawlgalka Midowga Europe ee Tababarka Ciiddanka Somalia (EUTM Somalia) oo shan sanno jirsaday ayaa waxaa lagu tababaray 4,000 oo Askar ka tirsan Ciiddanka Dowladda Somalia.

Qorshaha Hawlgalkaasi ayaa ah inay tababaraan 1,200 oo Askari, ka hor inta aan la soo gebagebeynin Hawlgalkaasi bisha December ee sannadka soo socota.

© Radio Dalsan