Haween Kenyan iyo Tanzanian lala xiriirinayo Alshabaab oo lagu maxkamadeynayo Mombasa.

Maxkamadda Sare ee magaalladda Mombasa ee dalka Kenya waxaa maanta la soo taagayaa Afar Haween oo lala xiriirinayo Alshabaab, kuwaasi oo la soo qabtay iyagoo qorsheynayey inay ka gudbaan Xuduudka Kenya la wadaagto dalkeenna.

Saddex ka mid ah Haweenkaasi oo u dhashay dalka Kenya ayaa lagu kala magacaabaa Maryam Saciid Cabuud, Khadiija C/qaadir Abuubakar iyo Xaliimo Aadan Cali, iyadoo Haweeneyda u dhalatay dalka Tanzania ayaa lagu magacaabaa Umul-kheyr Saadir Cabdalla.

Dacwadaha cusub ee lagu eedeynayo ayaa ah inay abaabulayeen Shirar lagu taageero Hawlgalka Alshabaab iyo inay Kenya ka abuurayeen falal loogu yeeray Argagixiso.

Afarta Haween ayaa la sheegay inay bishii Marso 26-dii e esannadkan qabanqaabiyeen Kulan ka dhacay Nairobi, oo ay ku qorsheynayeen sidii ay ugu gudbi lahaayeen Somalia, si ay u taageeraan Alshabaab

Si kastaba ha ahaatee, Dacwadda maanta ayaa ah markii saddexaad ee la soo maxkamadeeyo, waxayna haweenkaasi xabsiga ku jiraan muddo 8 bilood ah tan iyo markii lagu qabtay Xuduudka Ceel-waaq iyo Mandheera bishii Maarso 26-dii ee sannadkan.

gabdho 0000 gabdho 01 gabdho 2 gabdho 1

© Radio Dalsan