Guddoomiyihii Barlamaanka Ethiopia oo isku casilay dagaalkii Soomaalida iyo OROMIA

Guddoomiyaha oo lagu magacaabo Abadula Gemeda ayaa la sheegay inuu isku casilay sida ay Dowladda Federalka Ethiopia gacanta ugu dhigtay dagaalkii Qowmiyadaha Soomaalida iyo Oromadda bishii hore ku dhex maray Bariga dalkaasi.

Abadula Gemeda oo ka soo jeeda Qowmiyadda Oromadda ayaa is-casilay, waxayna Is-casilaadiisu ku soo beegantay iyadoo la filayo inay Xildhibaanadda Barlamaanka Ethiopia berrito Kalfadhigooda uga furmo magaalladda Addis Abeba.

Warka ku aadan Is-casilaadaasi waxaa markii ugu horreysay lagu soo daabacay Wargeyska The Addis Standard news, iyadoo Is-casilaadiisa ku sheegtay mid salka ku haya Tallaabadda ay Dowladda Dhexe ugu dirtay Ciiddanka Federalka si ay u joojiyaan Dagaalkii u dhexeeeyey Qowmiyadda Soomaalida iyo Oromada.

Iska horimaadkaasi waxaa lagu dilay ugu yaraan 50-qof, waxaana ku barakacay 160,000 oo qof oo labada dhinac ah.

Dhinaca kale, Guddoomiyihii Barlamaanka Ethiopia ee is-casilay, Abadula Gemeda waxa uu Xilkaasi qabtay sannadkii 2010-kii, iyadoo mar labaadna loo doortay sannadkii 2015-kii.

Waxa uu ahaan jirey Madaxweynihii Maamul-gobaleedka OROMIA, wuxuu kaloo mar soo noqday Wasiirka Difaaca ee Dowladda Federalka Ethiopia.

 

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media