Golaha Ammaanka oo xilliga u kordhiyey Hawlgalka La-dagaalanka Burcad-baddeeda

15-ka xubnood ee Golaha Ammaanka ee QM waxay xalay si buuxda isugu raaceen in Awood dheeraad ah la siiyo Ciiddanka Caalamiga ee ku sugan Badda Somalia, si ay jawaab buuxda uga bixiyaan Falalka Burcad-baddeedka ka dhaca Xeebaha Somalia.

Goluhu waxay cambaareeyeen Falalka Burcad-baddeeda iyo dhdca hubeysan ee ka dhaca meelaha ka baxsan Xeebaha Somalia, waxayna ku baaqeen in si buuxda looga hortago falalkaasi.

15-ka xubnood ee Golaha Ammaanka ee QM wxaay ugu baaeen Madaxda Somalia inay sii wadaan  qorshaha lagu ansixinayo Sharciga La-dagaalanka Burcad-baddeeda iyo Baddaha, lana sameeyo Ciiddan Ammaan oo door muuqda ka qaata xoojinta Sharciga  iyo in la xoojiyo Awoodaha Maxkamadaha Somalia si ay baaritaano ugu sameeyaan, una xukumaadaan kuwo mas’uulka ka ah Falalka Burcad-badeedka.

Goluhu waxay kaloo ku booriyeen dhamaan Dowladaha inay Burcad-baddeeda ku xukumaan Sharcigooda Gudaha, hadday noqon lahayd baaritaanka Eedeysanayaasha  iyo xukunkooda Xabsiga.

Golaha Ammaanka ee QM waxay kaloo isku raaceen in muddo hal sanno lagu kordhiyo Hawlgalka Ciiddamadda Caalamiga ee La-dagaalanka Burcad-baddeeda ka qowleysata Xeebaha Somalia.