Fanaaniin ka Tirsan Kooxda Xidigaha oo weli ku xiran Hargeysa

Afar Fanaan oo ka tirsan Kooxda Xidigaha Geeska ayaa weli ku xiran Maalintii Labaad Xabsi ku yaala Magaalada Hargeysa Ee Maamulka Somaliland.

Fanaaniinta Xiran ayaa kala ah:-Nimcaan Hilaac,Xamda Queen,Cabdiraxman Oday iyo Maxamed Bakaal Ciro.

Ciidanka Somaliland ayaa shalay ka xiray Hoboladan Garoonka Diyaaradaha Cigaal Airport kadib markii ay ka laabten Magaalada Muqdisho oo ay ku qabten Bandhig Faneyd Heersare ahaa Habeenkii Ciidda Ee Dhamaadkii Toddobaadkii hore.

Somaliland ayaa ku eedeyneysa Hoboladan iney ku xad gudben Sharci u  degsan Maamulkooda,Sharcigas oo sheegaya in Fanaaniin u diiwan gishan Wasaarada Warfaafinta Somaliland aysan tagi karin Soomaaliya.

Kooxda Xidiga Geeska oo ay ka tirsan yihiin Hobolada la xiray ayaa sheegeysa in Fanaaniinta aysan mushaar ka helin Wasaarada Warfaafinta sidas awgeydna aysan ka tirsaneyn Sida uu shaaciyay Gudoomiyaha Kooxda Xasan Dhuxul Laabsalaax.

Fanaaniin badan oo ay ku jiran kuwa ku nool Waqooyga Ameerika ayaa  cambaareeyay Go’aanka Somaliland ay ku xirtay Hoboladasi iyaga oo ku doodaya in Fanaaniinta aysan la heyn xuduud ka celisa Deegaanada ay Soomaalida degto.

Warar kale ayaa sheegaya in Somaliland laga yaabo iney Maxkamad la tiigsato Hoboladan oo iyagana shaaciyay in Muqdisho,Hargeysa iyo Jigjigaba ay isugu mid yihiin.

W/Q Xuseen Maxamed

Radio Dalsan