Faahfaahin: Ugu Yaraan Seddex Ruux oo Ku Dhimatay Weerar Lala Eegtay Xarun Lagu Tababaro Nabad Sugida

Ugu yaraan Seddex qof oo Mid kamid ah uu yahay Askari ka tirsan Dowladda Soomaaliya Labada kalena ay ka tirsan yihiin Kooxda Al Shabab ayaa ku geeriyooday Weerar Culus oo saakay lala beegsaday Iskuul lagu tababaro Ciidamadda Sirdoonka Soomaaliya.

Weerarka ayaa ku bilawday Qarax loo adeegsaday gaari nooca Noohada waxana Markasi xigay Israsaaseen Xoogan oo dhexmartay Kooxdii Weerarka Soo qaaday iyo Ciidamadda Nabad Sugida Soomaaliya.

Dad deegaanka ayaa sheegaya in Khasaaro badan uu jiro Balse Hey’adda Sirdoonka Qaranka Soomaaliya ayaa sheegtay iney soo bandhigi doonan khasaaraha Weerarka.

Afhayeenka Maamulka Gobolka Banadir Cabdifatax Cumar Xalane ayaa Dalsan u sheegay in Weerarka Dowladda uu kaga dhintay Hal Askari halka Al Shababna ay kaga geeriyoodeen laba Dagaalame.