Faah faahin:-Dagaal khasaaro geystay oo ka dhacay Muqdisho

Wararka aan ka heleyno degmada Kaaraan ee gobolkan Banaadir ayaa wax ay sheegayaan in Ciidamo ka wada tirsan dowladda Soomaaliya ay ku wada dagaalameen Gudaha degmadaas.

Dagaalkan ayaa waxa uu ka dhacay Goob Jaadka( Qaadka) lagu iibiyo oo ku taalla degmadaas,waxanala sheegay in ciidamada wada dagaalamay ay ka wada tirsan yihiin kuwa Milateriga Soomaaliya .

Goobjoogayaal ayaa waxa ay Dalsan u sheegeen in uu jiro khasaaro dagaalkaas ka soo gaaray dad Shacab ah oo ku sugnaa Goobta uu dagaalka ka dhacay,islamarkaana Haweeney Ganacsato aheyd ay ku geeriyootay.

Xaalada Goobtii uu dagaalka ka dhacay ayaa waxaa haatan ah mid degan,waxaana Wariyayaal ku sugan degmada Kaaraan ay soo sheegayaan in ay Gobta gaareen Ciidamo isugu jira Boolis iyo Nabadsugid kuwaas oo amniga xaqiijinaya.

Weli Maamulka degmada Kaaraan kama hadlin dagaalkaas,waxana todobaadyadii u dambeeyay Muqdisho ku soo batay dagaalka dhexmara Ciidamada ka wada tirsan dowladda,iyada oo xalay ay u dambeysay ay ku dagaalameen degmada Shibis ee Gobolkaan Banaadir.