Dowladda Kenya oo Lacag Hal Milyan Ku Ganaaxday Shaqaale Ka Tirsan Amisom

Maxkamadda Dalka Kenya ayaa Maanta ku Ganaaxday gabar shaqaale ka ah Howlgalka Amisom Ee Dalka Soomaaliya lacag dhan Hal Milyan oo ah Lacagta Shillinka Kenya kadib markii lagu arkay iyadda oo xiran waxyaabaha la isku qurxiyo ee ka sameysan Faanta Maroodiga oo sharci darro ka ah Dalka Kenya.

Lydie Kayetsi ayaa lagu xeray Garoonka Diyaaradaha Jomo Kenyatta International Airport iyadda oo xiran waxyaabahasi la isku qurxiyo ee laga sameeyay Faanta Maroodiga xili ay ku soo jeeday Magaaladda Muqdisho oo ay kula shaqeyso Amisom.

Madxafka Qaranka Kenya ayaa tijaabiyay oo baaray haddii laga sameyay Fanta Maroodiga Kenya iyadda oo la tuhunsanaa qaar kamid ah Saraakiisha adeega Duur joogta Dalka Kenya.

Lydie Kayetsi waxa ay sheegtay ineysan ogeyn in Kenya ay dambi ka tahay in la xirto oo lagu labisto Waxyaabaha laga sameeyo Faanta Maroodiga. Qareenka iyadda u doodaya ayaa u sheegay Maxkamadda in Kayetsi ay ka iibsatay Waxyaabahan la isku qurxiyo wadooyinka Dalka Jamhuuriyadda Dimuqraadiga Kongo islamarkaana aysan ogeyn in laga sameeyay Faanta Maroodiga.

Sheeyada laga sameeyo Faanta Maroodiga waa ka mamnuuc Dalka Kenya iyo Dalal kale oo ku yaala Afrika.