Dhegeyso: Afar ruux oo qaarkood loogu galay guryahooda oo lagu dilay degmada Afgooye.

Dadka la dilay waxaa kamid ahaa nabadoon degmada can ka ahaa oo magaciisa lagu soo koobay Carabeey iyo ilmo seddex jir ah, waxaana la ogeyn sababta dilkaasi loo geystay iyo cida ka dambeysay.

Gudoomiyaha Gobolka Shabeelada hoose ee Maamulka Koonfur Galkeed Soomaaliya Ibraahim Aadan Cali Najax, oo Radio Dalsan la hadlay ayaa sheegay in ay baaritaano ku wadaan kooxihii dilkaasi geystay.

Sidoo kale Qoys ka kooban nin oday ah, wiil uu dhalay iyo ilmo yar oo uu awoowe uu u ahaa ayaa uu sheegay Gudoomiyaha in gurigooda loogu galay laguna dilay.

Dilalka ka dhacay xalay degamada Afgooye, ayaa waxaa ay noqonayaan Afar ruux, oo siyaabooyin kala duwan loo dilay, iyadoona aan laga war qabin cida ka dambeysa dilalkaasi.

Mr, Ibraahim Aadan Cali Najax, ayaa waxaa uu sheegay in ay wadaan baaritaano xoog badan oo ay ku ogaanayaan cida ka dambeeysa dilalkaasi.

Ma ahan markii ugu horeysay oo dilal noocaan oo kale ay ka dhacaan Gobolka Shabeelada Hoose, waxaana dhowr bilood ka hor deegaan hoos taga Magaaladda Marka lagu gubay tiro carruur ah iyo Ayeeyadooda.

dhinaca kale Gudoomiyaha Gobolka Shabeelada hoose ee Maamulka Koonfur Galkeed Soomaaliya Ibraahim Aadan Cali Najax, waxaa uu sheegay in degamadda Afgooye ay kamid tahay deegaanka ugu nabdoon Gobolka Shabeelada Hoose.

Halkaan ka dhegeyso:  Gudoomiyaha Gobolka Shabeelada Hoose ee Maamulka Koonfur Galkeed Soomaaliya, Ibraahim Aadan Cali Najax.