Dhaqdhaqaaq Ciidan oo Saakay ka socda qeybo ka mid ah G/Hiiraan

Xaalad deganaansho ah ayaa laga dareemayaa deegaanka Ceel-cade ee Gobolka Hiiraan halkaas oo shalay gelinkii dambe ay ku wada dagaalameen Ciidamada dowladda Soomaaliya iyo Al-Shabaab.

Saakay wararka aan ka heleyno deegaankaas ayaa waxa ay sheegayaan in xaaladu iminka ay tahay mid degan isla markaana Ciidamada dowladda ay ka wadaan howlgallo kala duwan.

Ciidamada dowladda oo wata Gaadiidka dagaalka ayaa la sheegayaa in ay howlgalka halkaasi ka wadaan iyada oo la soo sheegayo in mararka qaar la maqlayo rasaas Goos Goos ah.

Qof ka mid ah dadka deegaanka Ceel-Cade oo 65km Magaalada Baladweyne Galbeed kaga beegan ayaa sheegay in ay haatan cabsi soo wajahday maadaama dagaal uu halkaasi ka dhacay.

Wararkii u dambeeyay ayaa waxa ay sheegayaan in xaaladu ay tahay mid degan balse ay ciidamadu halkaasi ka wadaan dhaqdhaqaaqyo Ciidan.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media