Magaalada Jowhar ee Xarunta maamul Goboleedka hir-Shabeelle waxaa Maanta ka furmi doona Shir u dhaxeeyo Wasiirada Arimaha gudaha dowlad Goboleedyada iyo Masuuliyiin ka tirsan Wasaarada Arimaha Gudaha dowladda Federaalka Soomaaliya.
Shirka ayaa waxaa looga hadli doono qodobo ay kamid yihiin sidii ay u wada Shaqeyn lahaayeen Wasaaradaha Arimaha Gudaha dowlad Goboledyada iyo tan dowladda Soomaaliya iyo sidoo kale dhisida Dowladda Hoose ee dalka si Soomaaliya si dalka uga hirgasho doorasho qof iyo codkiisa.
Wasiirka War-faafinta Maamulka Hir-Shabeelle ayaa Radio Dalsan u sheegay in dhamaan Madaxda Wasaarada Arimaha gudaha maamul goboleedyada ay ku sugan yihiin Magaalada jowhar marka laga reebo Maamulka puntland oo xooggaa Cudur daartay sida uu hadalka u dhigay.
Shirka ayaa socon doono mudo Sadax Maalmood ah waxaana la filayaa in gaba gabada Shirka laga soo saaro qodobo dhowr ah.
Hoos Ka Dhageyso Codka
