Dhageyso:-Khilaafka dhanka Hawada ee u dhaxeeya Soomaaliya iyo Somaaliland oo sii kordhay

Wasiirka Wasaarada Duulista Hawada Maamulka Soomaaliland ayaa ka hadlay arinta ku aadan in dowladda Somaaliya lagu wareejinayo Hawada Soomaaliya taas oo lagu Go’aamiyay shirar badan oo lagu qabtay qaar kamid ah Wadamada Caalamka.

Farxaan Aadan Haybe Wasiirka Wasaarada Duulista Hawada Maamulka Soomaaliland oo Maanta Saxaafada kula hadlayay Magaalada Hargeysa ayaa sheegay in marnaba Maamulka Somaaliland uu aqbali doonin in Hawada Soomaaliya lagu wareejiyo dowladda Federaalka Soomaaliya.

Waxaa kaloo hadalkiisa uu intaas ku daray in Somaaliland ay tahay mid kal hore Go’aan ka qaadatay arimaha  Soomaaliya islamarkaan ay tahay dowladd Gooni ah wax kastana u madaxbanaan awoodna u leh in ay Hawadeeda Maamulato.

Sidoo kale waxa uu hadalkiisa intaas raaciyay hadii Hawada Soomaaliya maamulideeda lagu wareejiyo dowladda Soomaaliya ay taasi keeni kaerto dhibaato ka dhalata Gobolka ilamarkaana Soamaliland ay diyaar u tahay in cidwalbaa ay iska difaacdo sida uu hadalka u dhigay.

Ugu dambeen waxa uu sheegay in ay wanagsan tahay in wax walba wadahadal lagu dhameeyo taasina ay dan ugu jirta Ummadda Somaaliya iyo tan Soomaaliland.

Hoos Ka Dhageyso Codka