DEG DEG: Dowladda Qatar oo ku dhawaaqday in ay lacago ugu deeqeyso Soomaaliya iyo Itoobiya

Dowladda Qatar oo ka mid ah dowladdaha Carbeed islamarkaana dhawaan qaar ka mid ah Wadamada Khaliijka ay sheegeen in ay xiriirka u jareen ayaa haatan ku dhawaaqday in ay lacag ugu deeqeyso dowladaha Soomaaliya iyo Itoobiya.

War ka soo baxay dowladda Qatar ayaa lagu sheegay in dalka Soomaaliya ay ugu deeqayaan lacag dhan 3 milyan oo dollar halka dowladda Itoobiyana ay siineyso lacag dhan 10 milyan oo dollar.

Lacagtan ayaa waxa ay dowladda Qatar ugu tala gashay in wax looga qabto arimaha dhinaca Bani’aadanimada maadaama dalka Soomaaliya ay weli abaar ka jirto taas oo saameyn ku yeelatay dadka iyo duunyada.

Dowladda Qatar ayaa haatan cadaadis kala kulmeysa Wadamada Carabta qaarkood iyo kuwa Reer Galbeedka ka dib markii lagu eedeeyay in ay taageerto Kooxaha Argagaxisada.