DEG DEG:- Degmada Waaberi oo ku guuleysatay tartankii degmoyinka G/Banaadir

Markii ugu horeysay mudo laga joogo 27 Sano wixii ka dambeeyay Burburkii dalka ayaa waxaa Caawa xili habeen ah Garoonka Kubadda Cagta ee Banaadir waxaa lagu qabtay kama dambeska tartanka degmooyinka Gobolka Banaadir.

Ciyaarta Caawa ayaa waxa ay u dhaxeeysay oo finaalaha isugu soo haray laba Kooxood oo kala metelayay degmooyinka Hodan iyo Waaberi oo horay uga soo kala adkaaday degmooyinka Hiliwaa iyo Kaaran ee isla Gobolkaan Banaadir.

Ciyaarta Caawa ayaa waxaa Gobjoog ka ahaa masuuliyiin uu ka mid yahay Gudoomiyaha Gobolka Banaadir ahna duqa Muqdisho Thaabit Cabdi Maxamed iyo dadweyne ka kala yimid degmooyinka Gobolka Banaadir iyo deegaanada ka baxsan muqdisho.

Qeybta hore ee Ciyaarta ayaa waxaa Kooxda mataleysay degmada Waaberi waxa ay dahliyeen laba Gool oo deg deg ah, sidaas yaana lagu kala nastay.

Qeybtii dambe ee Ciyaarta markii dib la isugu soo laabtay ayaa waxaa Kooxda ku Ciyaareysay Magaca Hodan waxa ay la timid Gool, intaasi kadib Kooxa degmada Waaberi ay dhalisay Goolkii Saddexaad sidaas ayayna Ciyaarta ku soo gabagabo.

Hoos Ka Daawo Sawiirada Ciyaarta