Dagaal ka dhacay Shabeellaha Hoose iyo Al-Shabaab oo guulo ka sheegtay

Qeybo ka mid ah Gobolka Shabeellaha Hoose waxaa ka dhacay dagaal u dhaxeeyay Al-Shabaab iyo ciidamo ka tirsan kuwa dowladda Federaalka Soomaaliya iyo kuwa Amisom,dagaalkaas oo geestay khasaaro isgu jira dhimasho iyo dhaawac.

Dagaalka ayaa intiis badan ka dhacay deegaanka Golweyn oo u dhaxeeya Magaalooyinka Marka iyo Buula-Mareer kadib markii ay Al-Shabaab deegaankaas weerar ku qaadeen fariisinka Ciidanka dowladda Soomaaliya iyo kuwa Amisom ku leeyihiin.

Dagaalka ayaa geestay khasaaro isgu jira dhimasho iyo dhaawac,waxana Al-Shabaab ay sheegeen in deegaanka golweyn ay mudo saacado ah Gacanta ku hayeen sida ay hadalka u dhigeen.

Masuuliyiinta Maamulka Gobolka Shabeellaha Hoose iyo Saraakiisha ciidamada dowladda Soomaaliya ayaan xiriir la sameynay si aan wax uga weeydiino dagaalkaas balse nooma suurtagelin.

 

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media