Ciidamo ka tirsan AMISOM oo lagu waayey eedeyn ku saabsaneyd in ay iibsadeen Shidaalkii Ciiddanka

Maxkamadda Milliteriga ee dalka Uganda waxay xabsiga ka sii daayeen 2 Sarkaal oo ka tirsanaa Ciiddanka Uganda ee qeybta ka ahaa Hawlgalka AMISOM, kuwaasi oo horey logu soo oogay inay xadeen Shidaalkii AMISOM, kana iibiyeen Ganacsarto Soomaali ah.

Wargeyska NEW VISION ee ka soo baxa magaalladda Kampala, ayaa qoray in labada Sarkaal ee la sii daayey ka mid ahaayeen Koox Askar ah oo sannadkii 2016-kii lagu xukumay 18 bilood.

Saraakiisha la sii daayey waxaa magacyadooda lagu kala sheegay Mathew Kakooza iyo Noah Mwanja.

Dacwad-oogayaasha ayaa la sheegay inay Saraakiishaas la sii daayey horey ugu soo oogeen bishii June 5-dii ee sannadkii 2016-kii in lagu helay iyagoo Saldhig ay leeyihiin AMISOM ka rarteen Shidaal, kadibna ku wareejiyeen gaadiid kale oo ay Ganacsato Soomaaliyeed lahaayeen, waa sida hadalak loo dhigay