Saraakiil ka kala socota Dembi-baarayaasha iyo Boliska La-dagaalanka Argagixisadda ee Boliska Kenya ayaa gaaray dalka Uganda, si ay dhigooda dalkaasi kala xaajoodaan 8 Arday Somali Kenyaan ah oo isbuucii hore laga qabtay xadka labada dal.
Boliska Uganda oo Ardaydaasi qabtay ayaa sheegay inay si dhuumaalaysi ah ku soo galeen Uganda, laguna qabtay Degaanka Malaba oo ku dhow xuduudka ay la wadaagaan Kenya.
Ardaydaasi oo ka kala socday Dugsiyo ku yaalla Nairobi, ayaa sheegay inay Uganda u yimaadeen si ay ugu ambabaxaan dalka Kanada.
Saraakiisha Boliska La-dagaalanka Argagixisadda ee Kenya waxay Degmadda Busia kula kulmeen dhigooda Uganda, iyagoo ka wada hadlay xaalladda Ardaydaasi oo la sheegay inay wataan Dukuemntiyadooda Aqoonsiga oo Rasmi ah.
Saraakiisha ayaa bilaabay inaay xog wareystaan Ardayda la xiray.
Dhinaca kale, qaar ka mid ah Waalidiinta Ardaydaasi Somali Kenya ayaa ku wargeliyey Saldhigyadda Boliska Nairobi inay la’ yihiin Ubadkooda, waxaana loo sheegay in lagu xiray dalka Uganda.
© Radio Dalsan
