Beesha Caalamka oo soo dhaweysay go’aankii madaxweynaha uu ku meel mariyay nidaamka doorashada

War saxafadeed ka soo baxay beesha caalamka gaar ahaan QM,Midowga afrika,Urur goboleedka IGAD,Midowga Yurub,Talyaaniga,Itoobiya,Ingiriiska,Sweden iyo Mareykanka ayaa lagu soo dhaweeyay go’aankii madaxweyne Xasan Sheekh uu Baarlamaanka uga wareejiyay go’aan ka gaaristii doorashada sanadkan.

Warkan waxa lagu sheegay in xubnaha beesha caalamka ee Soomaaliya taageera ay si buuxda u soo dhaweynayan una taagerayan talaabadan uu qaatay madaxweyne Xasan Sheekh Maxamuud,waxa sidasi yiri wakiil qaramada midoobay ee Soomaaliya Michael Keating .

Madaxweyne Xasan Sheekh Maxamuud ayaa maanta xeer madaxweyne ku meel mariyay nidaamka doorashada ee sanadkan kadib markii ay ku adkaatay baarlamaanka Soomaaliya inuu meel mariyo.