AMISOM Oo Beenisay In Xalay La Weeraray Garoonka Diyaaradaha Ee Muqdisho

Afhayeenka Ciidamadda Amisom Paul Njuguna, oo wareysi gaar ah siiyay Radio Dalsan ayaa ka hadlay weerar xalay lagu qaaday garoonka diyaaradaha Aadan Cadde ee Magaalada Muqdisho.

Paul Njuguna ayaa shaaciyay in dad lagu qiyaasay Afar ilaa Shan qof oo saarnaa dooni islamarkaana dhanka badda ka yimid ay ciidamadooda ilaalada ay ka shakiyeen kuwaas oo ugu dambeyntii Afhayeenku uu sheegay in ay rasaas ku rideen.

Waxaa uu xusay in aan weerar la dhihi Karin wixii xalay fiidkii ka dhacay garoonka diyaaradaha ee magaaladda muqdisho.

Mar qura xalay fiidkii waxaa rasaas xoogan laga maqlay garoonka diyaaradaha aadan cadde ee magaaladda muqdisho waxaana rasaastaasi ay baqdin galisay dadka shacabka ee ka agdhaw garoonka diyaaaradaha ee Muqdisho.