Xarunta Golaha Shacabka ee Magaalada Muqdisho waxaa Maanta la filayaa in ay kulankoodii Caadiga ahaa ku yeeshaan Xildhibaanada Baarlamaanka federaalka Soomaaliya.
Guddoonka Sare ee Baarlamaanka Soomaaliya ayaa shalay xildhibaanada ku wargeliyay in Maanta oo Arbaco ah ay soo xaadiraan kulanka Baarlamanka Soomaaliya si looga hadlo arinta ku aadan Wasiir Xoosh.
Xildhibaanada Baarlamanka ayaa kulankooda Maanta la filayaa in ay Go’aan uga gaaraan Kiiska Wasiirka Arrimaha Dastuurka C/raxmaan Xoosh Jibriil, kaasoo muran ka dhex galay Baarlamaanka dhexdiisa.
Lama oga Go’aanka ay xilheynta Wasiirka Dastuurka Soomaliya ka qaadan doonaan Xildhibaanada Shacabka ayaana Maanta indhaha ku haya waxyaabaha ka soo bixi doona kulanka Baarlamaanka iyada ay xusid mudan tahay in Wasiir Xoosh uu dalka Dibaddiisa ku maqan yahay./