Wararka aan ka heleyno Gobolka Bakool ayaa waxa ay sheegayaan in uu ka socdo dagaal u dhaxeeyo Ciidamo ka tirsan Al-Shabaab iyo ciidamo kale oo uu wato Sheekh Muqtaar Rooboow,oo horay uga mid ahaa Al-Shabaab balse Mareykanka uu ka saaray Liiska waxa loogu yeero Argagaxisada.
Dagaalamayaal ka tirsan Al-Shabaab ayaa weeraray deegaanka Abal ee Gobolka Bakool oo fariisin u ah Ciidamo uu wato Sheekh Muqtaar Rooboow,waxana lagu soo waramayaa in dagaalka uu weli halkaasi ka socdo.
Wararka ay Dalsan heleyso ayaa waxa ay sheegayaan in Saraakiisha Al-Shabaab ee dagaalka ka dhanka ah Muqtaar rooboow ay ka mid yihiin Sheekh Xasan Yacquub oo ah Wakiilka Al-Shabaab ee Gobolka Galgaduud iyo Sheekh Macalin Gedow,oo ah wakiilka Al-Shabaab ee Gobolada) Baay iyo Bakool).
Weli macada khasaaraha rasmiga ah ee ka dhashay dagaalkaas,waxaana dadka ku nool deegaanka Abaal ee gobolka Bakool ay sheegayaan in ay weli maqlayaan jugta Culus oo ay isku ridayaan Maleeshiyaadka uu hoggaaminayo Muqtaar rooboow iyo kuwa Al-Shabaab.
