Wargeyska Maalinlaha ee Nation ee ka soo baxa Nairobi waxa uu maanta qoray inay Dagaalamayaasha Alshabaab qoryo iyo rasaas ka qaateen Askartii Kenyanka ee shalay lagu dilay qaraxii iyo weerarkii ka dhacay Deegaanka TARBAJI oo ka tirsan Degmadda Wajeer.
Wargeyska waxa uu soo xigtay Warbixin ay Boliska Kenya soo saareen oo lagu muujiyey inay Dagaalamayaasha Alshabaab horey u sii qaateen hubkii ay wateen 8-dii Askar ee Kenyanka ah ee lagu dilay qarixii shalay, oo ka koobnaa 5 Qoryaha AK 47 iyo G 3 iyo 540 xabbo ee rasaasta Qoryahaasi.
Warbixin loo diray Xarunta Dhexe ee Boliska Kenya ee magaalladda Nairobi ayaa lagu sheegay inay Alshabaab horey u qaateen qoryaha Askarta la dilay oo kala ahaa 5 qoryaha AK 47 iyo 3 qori oo noocoodu ahaa G 3
Warbixinta waxaa kalo olagu sheegay in Askartaasi la weerarayey duhurnimadii shalay, xilli ay gaari ku marayeen Deegaanka Tarbaj, iyagoo ilaalo ka hayey jidka isku xira Deegaanadda Kotulo iyo Bojigaras.
Dhinaca kale, Magacyadda Askarta Boliska Kenyanka iyo kuwa Kaydka ee lagu dilay qaraxaasi ayaa lagu kala sheegay: C/casiis Cali, C/llaahi Hiraabe, Cali Maxamed Cali, Thomas Machere, C/llaahi Sheekh Yuusuf, Daa’uudi Ibraahim Axmed iyo Maxamed Yacquub Cabdi iyo Ali Axmed oo ahaa Dareewalkii waday gaarigii ay la socdeen Askartaasi oo noociisu ahaa Land Cruiser.
