Ra’isul-wasaaraha oo sheegay inaan Waraaqaha Canshuur-dhaafka la bixin karin Oggolaansho La’aan.

Ra’isul-wasaaraha XFS, Dr. Xasan Cali Kheyre ayaa bishii hore soo saaray Wareegto ku aadan Nidaamka Canshuur-dhaafka ee Dekedda iyo Garoonka Diyaaradaha Muqdisho.

Wareegtadaasi ayaa loo kala diray Wasiirka Maaliyadda, Hoggaanka Ilaalinta Canshuuraha iyo Dhaqaalaha, iyadoo ogeysiin ahaan loogu gudbiyey Hanti-dhowraha Guud, Maamulaha Dekedda Muqdisho iyo Maamulaha Garoonka diyaaradaha Aadan Cadde.

Ra’isul-wasaataha waxa uu Wareegtadad ku sheegay inay waayadan dambe soo if baxeen warar muujinaya isku-day la xiriira in si qaldan looga faa’ideysanayo Sharciga Canshuur-dhaafka, iyadoo Waraaqo been abuur ah loo samaystay Badeecadaha dibedda ka soo degta, si loo codsado Canshuur-dhaaf aan sharci ahayn.

Wareegtadda waxaa Wasaaradda Maaliyadda la faray inaan la bixin karin wax Canshuur-dhaaf ah, iyadoo aan Oggolaansho laga helin Ra’isul-wasaaraha XFS.

Halkan ka akhriso Wareegtada Ra’isul-wasaare Kheyre: