Raggii dilay Weriye Hindiya Xaaji Maxamed oo la qisaasay.

Barxadda Dugsiga Tababarka Boliska (Scoula Polizia) ee Degmadda Xamar Jajab waxaa sakayto lagu toogtay labadii nin ee wax ka maleegay falkii lagu dilay Allaha U Naxariistee Weriye Hindiya Xaaji Maxamed oo ka tirsanayd Shaqaalaha Warbaahinta Qaranka (Radio Muqdisho iyo SNTV.

Gacan-ku-dhiiglayaasha la toogtay ayaa lagu kala magacaabi jirey C/risaaq Maxamed Barrow iyo Xasan Nuur Cali Faarax.

Maxkamadda Sare ee Ciiddanka Qalabka Sida ayaa ku riday Xukunka dilka, iyadoo dhowr kalena lagu kala xukumay Xasi Daa’im iyo Xabsi ilaa 15-sanno ah.

Marxuumadda ayaa u geeriyootay dhaawac ka soo gaaray qarax miino oo loogu rakibay gaarigeeda taariikhdu markii ay ahayd bishii December 3-dii ee sannadkii hore.

Allaha U Naxariisto Marxuumadda waxay ifka kaga tegtay 4 wiil iyo gabadh,  waxaana Seygeeda, Liibaan Cali Nuur oo ahaa Saxafi caan ah isagana lagu dilay weerar ay Alshabaab ka geysteen magaalladda Muqdisho bishii September ee sannadkii 2012-kii.

©Radio Dalsan