Daacish oo qorsheynaysa inay Wilaayadda Geeska Afrika kaga dhawaaqaan dalalka Bariga Afrika.

Hay’adda Caddaaladda iyo Horumarka oo ka mid ah Hay’addaha u dhuun duleela Daraasaadka Kooxaha loogu yeero Argagixisadda ayaa shaaciyey inay Kooxda Daacish qorsheynayaan inay ku soo faafaan dalalka Somalia, Jabuuti, Kenya, Ethiopia iyo  Eritrea, si ay uga dhistaan Maamul iyaga hoos tagi doona ooo ay ugu magac dareen Walaayadda Geeska Afrika.

Warbixin ay Hay’addu ka soo saartay Xaruntooda Dhexe ee ku taalla caasimadda dalka Masar ee Qaahira  ayey ku sheegtay inay Daacish bilaabeen inay ka soo hayaamaan dalalka Syria iyo Iraq oo ay kala kulmaan Guluf culus, taasi oo khasabtay inay indha-indheyn ku sameeyaan Dalalka kale ee ay ka hawlgeli karaan.

Warbixinta ayaa lagu muujiyey inay Daacish doonayaan inay Maleeshiyo ka qortaan Dhallinyarada Afrikaanka ee saboolka ah si ay dagaalo uga bilaabaan dalalkaasi, iyadoo Daacish qorsheynaso haddii ay ku guuleystaan Dhismaha  Walaayadda Geeska Afrika inay gacanta ku dhigaan Gacan-biyoodka Baabul-mandab iyo Badda Cas.

Dhinaca kale, Afhayeenka Hay’adda Caddaaladda iyo Horumarka, Zaydaan Alqan’ii ayaa xusay inay Daacish ku talamayaan inay Walaayado lagu kala magacaabo Walaayadda Imaaradda Xeebta ka yegleelaan dalka Libiya, si ay awood ugu helaan inay qabsadaan dalalka Algeria, Morocco iyo Tunisia, kadibna ay weeraro ku galaan Gacan-biyoodka Jabal Daariq ee isku xira Afrika iyo Europe.

©Radio Dalsan