Wasiirka Waaaaradda Cadaaladda Xukuumadda xilgaarsiinta Cabdulqaadir Maxamed Nuur(Jaamac) iyo wafdi uu hogaaminaayey ayaa maanta gaaray degmada Waajid ee Gobolka Bakool.
Ujeedada safarka ay u gaareen ayaa la xiriira u kuur gelida xaalada guud ee degmada, ka qeyb galka munaasabada caleema saarka Golaha Deegaanka Waajid oo Guddoomiye doortay iyo sidii loo hormarin lahaa adeega Cadaaladda iyo Garsoorka.
Wasiir Cabduqaadir Maxamed Nuur ayaa waxaa uu ka mahadceliyay soo dhaweynta loo sameeyay, waxaana intaas kadib loo galbiyay dhinaca Xarunta degmada.
Duhurnimadii Maanta Madaxweynaha Koonfur Galbeed Cabdicasiis Xasan Maxamed Lafta-gareen iyo wafdi uu hoggaaminayay ayaa gaaray degmada Waajid ee Gobolka Bakool, iyagoo halkaas uga qeyb galay munaasabada caleema saarka Golaha Deegaanka Waajid oo Guddoomiye doortay.
